Sunan Al Daraqutni: Hadith 892

892 ۔ حضرت ابومحذورہ (رض) بیان کرتے ہیں : میں دس نوجوانوں کے ہمراہ نبی کریم (صلی اللہ علیہ وآلہ وسلم) کے ساتھ حنین کے لیے روانہ ہوا اس وقت آپ (صلی اللہ علیہ وآلہ وسلم) ہمارے نزدیک سب سے زیادہ ناپسندیدہ شخصیت تھے ، ہم اٹھ کر اذان دینے لگے ہم (دراصل ان لوگوں کا ) مذاق اڑا رہے تھے نبی کریم (صلی اللہ علیہ وآلہ وسلم) نے فرمایا : ان نوجوانوں کو میرے پاس لاؤ پھر آپ (صلی اللہ علیہ وآلہ وسلم) نے ارشاد فرمایا : تم لوگ اذان دو ! ان لوگوں نے اذان دی تو نبی کریم (صلی اللہ علیہ وآلہ وسلم) نے ارشاد فرمایا : ہاں ! یہ وہ شخص ہے جس کی میں نے اذان سنی تھی تم جاؤ اور اہل مکہ کے لیے اذان دیا کرو۔ اور تم عتاب سے کہو کہ نبی کریم (صلی اللہ علیہ وآلہ وسلم) نے یہ حکم دیا ہے : میں اہل مکہ کے لیے اذان دوں، پھر نبی کریم (صلی اللہ علیہ وآلہ وسلم) نے میری پیشانی پر ہاتھ پھیرا اور کہا : تم یہ کہو۔
اللہ اکبر اللہ اکبر اللہ اکبر اللہ اکبر اشھدان لاالہ الا اللہ اشھد ان لاالہ الا اللہ اشھد ان محمد رسول اللہ اشھد ان محمد رسول اللہ
یہ کلمات دو مرتبہ ہیں، اشھد ان لاالہ الا اللہ ، تم دو بار یہ پڑھو اشھد ان محمد رسول اللہ ، حی علی الصلاۃ، دو مرتبہ حی علی الفلاح دو مرتبہ اللہ اکبر اللہ اکبر لاالہ الا اللہ۔ جب تم صبح کی پہلی اذان دو تو یہ کہو : الصلاۃ خیر من النوم یہ کلمات دو مرتبہ ہیں جب تم اقامت کہو، تو ان کلمات کو دو مرتبہ کہو : قدقامت الصلاۃ ، کیا تم نے یہ بات سن لی ہے ؟:
راوی بیان کرتے ہیں : حضرت ابومحذورہ (رض) اپنی پیشانی کے بال نہیں کٹواتے تھے اور وہاں مانگ نہیں نکالتے تھے کیونکہ نبی کریم (صلی اللہ علیہ وآلہ وسلم) نے ان پر ہاتھ پھیرا تھا۔