Sunan Al Daraqutni: Hadith 894

894 ۔ عماربن سعد اپنے والد حضرت سعدسعد القرظ کا یہ بیان نقل کرتے ہیں : یہ اذان حضرت بلال (رض) کی اذان ہے ، جس کا حکم انھیں نبی کریم (صلی اللہ علیہ وآلہ وسلم) نے دیا تھا۔
اللہ اکبر اللہ اکبر اللہ اکبر اللہ اکبر اشھدان لاالہ الا اللہ اشھد ان لاالہ الا اللہ اشھد ان محمد رسول اللہ اشھد ان محمد رسول اللہ ثم یرجع فیقول اشھد ان لاالہ الا اللہ اشھد ان لاالہ الا اللہ اشھد ان محمد رسول اللہ اشھد ان محمد رسول اللہ حی علی الصلاۃ حی علی الصلاۃ حی علی الفلاح حی علی الفلاح اللہ اکبر اللہ اکبر لا الہ الا اللہ۔
ان کی اقامت کے الفاظ یہ ہیں : اقامت کے الفاظ ایک ایک ہوگئے، اسی طرح یہ جملہ بھی ایک مرتبہ کہا جائے گا۔ قدقامت الصلاۃ۔ حضرت سعد (رض) فرماتے ہیں نبی کریم (صلی اللہ علیہ وآلہ وسلم) نے مجھ سے یہ فرمایا تھا : اسے سعد ! جب تم بلال کو میرے ساتھ نہ دیکھو تو تم اذان دے دیاکرو نبی کریم (صلی اللہ علیہ وآلہ وسلم) نے اپنا دست مبارک ان کے سر پر پھیرا اور ارشاد فرمایا اے سعد ! اللہ تعالیٰ تمہیں برکت نصیب کرے ! جب تم بلال کو میرے ساتھ نہ دیکھو تو اذان دے دیاکرو۔ راوی بیان کرتے ہیں : پھر حضڑت سعد نے قباء میں نبی کریم (صلی اللہ علیہ وآلہ وسلم) کے لیے تین مرتبہ اذان دی ۔
راوی بیان کرتے : جب حضرت بلال نے (اس وقت کے خلیفہ) حضرت عمر بن خطاب (رض) سے جہاد میں جانے کی اجازت مانگی، تو حضرت عمر (رض) نے ان سے دریافت کیا : اے بلال اب میں اذان کا کام کس کے سپرد کروں ؟ تو انھوں نے جواب دیا : سعد کے ، کیونکہ انھوں نے قباء میں نبی کریم (صلی اللہ علیہ وآلہ وسلم) کے لیے اذان دی ہے ، تو حضرت عمر (رض) نے حضرت سعد کو بلایا اور فرمایا : اذان دینے کا کام تمہارے سپرد ہے اور تمہارے بعد تمہارے اولاد کے سپرد ہوگا، پھر حضرت عمر (رض) نے انھیں وہ نیز عطا کیا جسے حضرت بلال (رض) نبی کریم (صلی اللہ علیہ وآلہ وسلم) کے لیے اٹھایا کرتے تھے اور حضرت عمر (رض) نے یہ فرمایا تم اسے لے کر میرے آگے چلا کرو ، حضرت بلال (رض) اسے لے کر نبی کریم (صلی اللہ علیہ وآلہ وسلم) کے آگے چلا کرتے تھے اور اسے عید گاہ میں گاڑ دیا کرتے تھے ، تو حضرت سعد نے ایسا ہی کیا۔