Sunan Al Daraqutni: Hadith 923

923 ۔ محمد بن عبداللہ بیان کرتے ہیں : میرے والد (حضرت عبداللہ بن زید (رض)) نے مجھے یہ حدیث پاک بیان کی ہے : جب نبی کریم (صلی اللہ علیہ وآلہ وسلم) نے (نماز کے لیے ) ناقوس کا حکم دیا تو میں نے خواب میں دیکھا ایک شخص کو جو میرے پاس آیا اس نے مجھے یہ چیز سکھائی اس نے اذان کے کلمات کو دو مرتبہ اور اقامت کے کلمات کو ایک مرتبہ ذکر کیا صبح کی نماز کے وقت میں نبی کریم (صلی اللہ علیہ وآلہ وسلم) کی خدمت میں حاضر ہوا اور اس خواب کے بارے میں بیان کیا تو آپ (صلی اللہ علیہ وآلہ وسلم) نے فرمایا : اگر اللہ نے چاہا تو یہ خواب سچ ثابت ہوگا۔ تم بلال کے ساتھ کھڑے ہوجاؤ اور بلال کو وہ چیز سکھاؤ جو تم نے دیکھی ہے ، کیونکہ اس کی آواز تمہارے مقابلے میں زیادہ بلند ہے ، جب حضرت عمر (رض) نے یہ بات سنی تو وہ بولے اس ذات کی قسم : جس نے آپ کو حق کے ہمراہ مبعوث فرمایا ہے میں نے بھی اسی طرح کا خواب دیکھا ہے جس طرح کا اس نے دیکھا ہے ، تو نبی کریم (صلی اللہ علیہ وآلہ وسلم) نے فرمایا : پھر اللہ کے لیے ہر طرح حمد مخصوص ہے (جس نے ہمیں توفیق دی ہے ) ۔