Sunan Al Daraqutni: Hadith 925

925 ۔ عبدالرحمن بن ابو لیلی بیان کرتے ہیں : حضرت معاذ بن جبل (رض) نے یہ بات بیان کی ہے : ایک انصاری شخص عبداللہ بن زید (رض) نبی کریم (صلی اللہ علیہ وآلہ وسلم) کے پاس آئے اور عرض کی : یارسول اللہ ! میں نے خواب میں دیکھا کہ ایک شخص آسمان سے نازل ہوا اس نے دو چادریں اوڑھی ہوئی تھیں وہ مدینہ منورہ کی ایک دیوار پر اترا اس نے اذان کے کلمات دو مرتبہ کہے پھر وہ بیٹھ گیا پھر وہ کھڑا ہوگیا پھر اس نے وہ کلمات دودومرتبہ کہے۔
ابوبکر بن عیاش نامی راوی نے یہ بات بیان کی ہے یہ اسی کی مانند ہے جس طرح آج کل اذان دی جاتی ہے ، تو نبی کریم (صلی اللہ علیہ وآلہ وسلم) نے ارشاد فرمایا تم یہ بلال کو سکھادو : تو حضرت عمر (رض) نے عرض کی : میں نے بھی اسی طرح کا خواب دیکھا ہے جس طرح اس نے دیکھا ہے لیکن یہ مجھ سے سبقت لے گیا ہے۔