Sunan Al Daraqutni: Hadith 936

936 ۔ مالک بن دینار بیان کرتے ہیں : جب حضرت محذورہ (رض) کے صاحبزادے اذان دے کر فارغ ہوئے تو میں بھی ان کے پیچھے مسجد حرام (کے مینار) تک چڑھا اور میں نے ان سے کہا : مجھے اس اذان کے بارے میں بتائیں جو آپ کے والد نے نبی کریم (صلی اللہ علیہ وآلہ وسلم) کے سامنے دی تھی تو انھوں نے جواب دیا : انھوں (یعنی حضرت ابومحذورہ (رض) نے) اذان کے آغاز میں تکبیر کہی پھر یہ کلمات پڑھے :
'' اشھد ان لاالہ الا اللہ، اشھد ان محمد رسول اللہ، حی علی الصلوۃ، حی علی الفلاح '' یہ ایک مرتبہ پڑھے پھر اس کے بعد دوبارہ یہ کلمات پڑھے :
'' اشھد ان لاالہ الا اللہ،'' اشھد ان لاالہ الا اللہ، اشھد ان محمد رسول اللہ، اشھد ان محمد رسول اللہ، یہاں تک کہ اذان کے آخر میں یہ کلمات پڑھے :
'' اللہ اکبر اللہ اکبر لاالہ الا اللہ '' اس روایت کو نقل کرنے میں داؤد نامی راوی منفرد ہیں۔