1027 ۔ حیان بن عبیداللہ عدوی بیان کرتے ہیں : ایک مرتبہ ہم حضر عبداللہ بن بریدہ (رض) کے پاس بیٹھے ہوئے تھے موذن نے ظہر کی نماز کے لیے اذان دی جب حضرت عبداللہ (رض) نے اذان سنی تو فرمایا، اٹھو اور اقامت سے پہلے دونفل ادا کرو کیونکہ میرے والد نے یہ بات بیان کی ہے : نبی کریم (صلی اللہ علیہ وآلہ وسلم) نے یہ بات ارشاد فرمائی ہے : مغرب کی اذان کے علاوہ ہر دو اذانوں (یعنی اذان اور اقامت کے درمیان) اقامت سے پہلے دو رکعت ادا کی جائیں گی۔ عبداللہ بن بریدہ فرماتے ہیں : میں نے حضرت عبداللہ بن عمر کو مغرب کے وقت بھی ان دو رکعت کو ادا کرتے ہوئے دیکھا ہے وہ انھیں کسی بھی حالت میں ترک نہیں کرتے تھے۔
راوی بیان کرتے ہیں : ہم اٹھے اور ہم نے اقامت سے پہلے دو رکعت ادا کرلیں پھر ہم انتظا ر کرنے لگے یہاں تک کہ امام تشریف لائے تو ہم نے ان کی اقتداء میں فرض نماز ادا کی۔
حسین معلم، سعید جریری، کہمس بن حسن، نے ان کے برخلاف روایت نقل کی ہے ، یہ تمام راوی ثقہ ہیں ، جبکہ حیان بن عبیداللہ نامی راوی زیادہ مستند نہیں ہیں باقی اللہ بہتر جانتا ہے۔