1056 ۔ حضرت عبداللہ بن عمر (رض) بیان کرتے ہیں : ایک دفعہ کچھ لوگ قباء میں صبح کی نماز ادا کررہے تھے اسی دوران ایک شخص ان کے پاس آیا اور اس نے بتایا : گزشتہ رات نبی کریم (صلی اللہ علیہ وآلہ وسلم) پر قرآن کا حکم نازل ہوا ہے اللہ نے آپ (صلی اللہ علیہ وآلہ وسلم) کو یہ حکم دیا ہے ، آپ خانہ کعبہ کی طرف رخ کرلیں، تو اے لوگو ! تم بھی اس کی طرف رخ کرلو (راوی کہتے ہیں) اس وقت ان لوگوں کا رخ شام (یعنی بیت المقدس ) کی طرف تھا، تو وہ اسی وقت گھوم کر خانہ کعبہ کی طرف منہ (کرکے نماز ادا ) کرنے لگے۔