1078 ۔ حضرت نعمان بن بشیر (رض) بیان کرتے ہیں : ایک دفعہ نبی کریم (صلی اللہ علیہ وآلہ وسلم) نے لوگوں کی طرف رخ کرکے ارشاد فرمایا صفیں سیدھی کرو، یہ بات آپ (صلی اللہ علیہ وآلہ وسلم) نے تین مرتبہ ارشاد فرمائی، (پھر فرمایا) اللہ کی قسم، یا تو تم لوگ اپنی صفیں سیدھی رکھو گے ورنہ تمہارے دلوں میں اختلاف آجائے گا۔
(راوی کہتے ہیں) تو میں نے دیکھا ہر شخص اپنے ساتھ کی پنڈلی کے ساتھ پنڈلی اس کے گھٹنے کے ساتھ گٹھنا اس کے کندھے کے ساتھ کندھا ملارہا تھا (یعنی صف بالکل سیدھی کرنے کی کوشش کررہا تھا) ۔