1102 ۔ سالم بیان کرتے ہیں : حضرت عبداللہ بن عمر (رض) نے یہ بات بیان کی ہے : نبی کریم (صلی اللہ علیہ وآلہ وسلم) جب نماز کے لیے کھڑے ہوتے تو اپنے دونوں ہاتھ کندھوں تک بلند کرتے ہوئے تکبیر کہتے ، پھر جب آپ رکوع میں جانے لگتے تو اپنے ہاتھوں کو کندھوں تک بلند کرتے تکبیر کہتے ، پھر آپ رکوع میں چلے جاتے جب آپ رکوع سے سر اٹھاتے تو ان دونوں کو کندھوں تک بلند کرتے ، پھر یہ پڑھتے، سمع اللہ لمن حمدہ، اللہ نے اس شخص کی بات کو سن لیا جس نے اس کی حمد بیان کی) پھر آپ سجدے میں چلے جاتے سجدوں کے درمیان آپ رفع یدین نہیں کرتے تھے ، آپ ہر رکعت میں تکبیر کہتے ہوئے رفع یدین کرتے تھے جب آپ رکوع میں جانے سے پہلے تکبیر کہتے تھے یہاں تک کہ آپ کی نماز مکمل ہوجاتی (یعنی آپ پوری نماز کے دوران یہ عمل کرتے تھے) ۔