1113 ۔ عبداللہ بن مبارک فرماتے ہیں : میرے نزدیک حضرت عبداللہ بن مسعود (رض) سے منقول یہ روایت مستند نہیں ہے ، نبی کریم (صلی اللہ علیہ وآلہ وسلم) نے نماز کے آغاز میں صرف ایک رفع یدین کیا تھا، اس کے بعد رفع یدین نہیں کیا۔
میرے نزدیک وہ حدیث مستند ہے جس میں یہ مذکور ہے : نبی کریم (صلی اللہ علیہ وآلہ وسلم) نے رکوع میں جاتے ہوئے اور رکوع سے سر اٹھاتے ہوئے رفع یدین کیا تھا۔
عبداللہ بن مبارک نے یہ بات بیان کی ہے : عبیداللہ عمری، امام مالک، معمر ، سفیان، یونس، محمد بن ابوحفصہ نے زہری کے حوالے سے ، سالم کے حوالے سے ان کے والد (حضرت عبداللہ بن عمر (رض)) کے حوالے سے نبی کریم (صلی اللہ علیہ وآلہ وسلم) سے اس روایت کو نقل کیا ہے۔