1142 ۔ امام ابوجعفر صادق (رض) اپنے والد (امام باقر) کے حوالے سے ان کے والد امام زین العابدین (رض) کے حوالے سے ان کے والد امام حسین کے حوالے سے حضرت علی (رض) کا یہ بیان نقل کرتے ہیں وہ یہ فرماتے ہیں نبی کریم (صلی اللہ علیہ وآلہ وسلم) نے فرمایا جب تم نماز کے لیے کھڑے ہوتے ہوتوقرات کیسے کرتے ہو ؟ میں نے عرض کیا میں الحمدللہ رب العالمین پڑھتاہوں نبی کریم (صلی اللہ علیہ وآلہ وسلم) نے فرمایا تم بسم اللہ الرحمن الرحیم پڑھا کرو۔