1153 ۔ نعیم بن عبداللہ بیان کرتے ہیں : میں نے حضرت ابوہریرہ (رض) کی اقتداء میں نماز ادا کی انھوں نے بسم اللہ الرحمن الرحیم پڑھی، پھر سورة فاتحہ پڑھی یہاں تک کہ اس آیت تک پہنچے، غیرالمغضوب علیھم ولاالضالین، پھر انھوں نے آمین کہا لوگوں نے بھی آمین کہا، وہ جب بھی سجدے میں جاتے تو اللہ اکبر کہتے ہوئے جاتے اور جب دو رکعت کے بعد اٹھتے تو اللہ اکبر کہتے ہوئے اٹھتے پھر جب انھوں نے سلام پھیرا تو یہ ارشاد فرمایا :
'' اس ذات کی قسم جس کے دست قدرت میں میری جان ہے میں تم سب کے مقابلے میں زیادہ بہتر طور پر نبی کریم (صلی اللہ علیہ وآلہ وسلم) کے طریقے کے مطابق نماز ادا کرتا ہوں۔
(امام دار قطنی فرماتے ہیں) یہ حدیث مستند ہے اس کے تمام راوی ثقہ ہیں۔