1164 ۔ محمد بن متوکل بیان کرتے ہیں : میں نے معتمر بن سلیمان کی اقتداء میں فجر اور مغرب کی نماز اتنی مرتبہ ادا کی ہے : میں اسے شمار نہیں کرسکتا وہ سورة فاتحہ سے پہلے اور اس کے بعد (یعنی اگلی سورت پڑھنے سے پہلے) بلند آواز میں بسم اللہ الرحمن الرحیم پڑھا کرتے تھے ۔
میں نے معتمر کو یہ کہتے ہوئے سنا ہے : میں ہمیشہ اپنے والد کے نماز پڑھنے کے طریقے کی پیروی کرتا رہوں گا، میرے والد نے یہ بات بیان کی ہے میں ہمیشہ حضرت انس (رض) کے نماز پڑھنے کے طریقے کی پیروی کرتا رہوں گا۔ حضرت انس (رض) نے یہ بات بیان کی ہے ، میں ہمیشہ نبی کریم (صلی اللہ علیہ وآلہ وسلم) کے نماز کے طریقے کی پیروی کرتا رہوں گا۔