1172 ۔ حضرت انس بن مالک (رض) بیان کرتے ہیں : حضرت معاویہ (رض) نے مدینہ منورہ میں نماز ادا کی انھوں نے اس میں بلند آواز میں قرات کی ، لیکن بلند آواز میں بسم اللہ الرحمن الرحیم نہیں پڑھی نہ انھوں نے سو رہ فاتحہ سے پہلے بسم اللہ الرحمن الرحیم پڑھی نہ بعد والی سورت سے پہلے بسم اللہ الرحمن الرحیم پڑھی ، اسی طرح جھکتے ہوئے (یعنی رکوع میں جاتے ہوئے یا سجدے میں جاتے ہوئے) انھوں نے تکبیر بھی نہیں کہی جب انھوں نے نماز مکمل کرلی اور سلام پھیراتو جن مہاجرین اور انصار تک ان کی آواز پہنچتی تھی انھوں نے بلند آواز میں انھیں مخاطب کرتے ہوئے یہ کہا اے حضرت معاویہ کیا آپ نے نماز میں کمی کی ہے یا آپ بھول گئے ہیں ؟ راوی بیان کرتے ہیں اس کے بعد انھوں نے جو بھی نماز ادا کی اس میں بلند آواز میں بسم اللہ الرحمن الرحیم پڑھی ، سورة فاتحہ سے پہلے بھی اور فاتحہ کے بعد والی سورت سے پہلے بھی (بلند آواز سے بسم اللہ الرحمن الرحیم پڑھی) اور سجدے میں جاتے ہوئے تکبیر بھی کہی۔
اس روایت کے تمام راوی ثقہ ہیں۔