1219 ۔ امام ابوحنیفہ رحمہ اللہ اپنی سند کے حوالے سے حضرت جابر بن عبداللہ (رض) کا یہ بیان نقل کرتے ہیں ایک مرتبہ نبی کریم (صلی اللہ علیہ وآلہ وسلم) نے ہمیں نماز پڑھائی آپ کی اقتداء میں ایک صاحب نے قرات کرنا شروع کردی تو نبی کریم (صلی اللہ علیہ وآلہ وسلم) کے اصحاب میں سے ایک نے اسے روکا، جب نبی کریم (صلی اللہ علیہ وآلہ وسلم) نماز پڑھ کر فارغ ہوئے تو ان دونوں نے بحث شروع کردی پہلے والے صاحب بولے کیا آپ مجھے نبی کریم (صلی اللہ علیہ وآلہ وسلم) کی اقتداء میں قرات کرنے سے روک رہے ہیں ان دونوں کے درمیان بحث چھڑ گئی اس بات کا پتہ نبی کریم (صلی اللہ علیہ وآلہ وسلم) کو چلا تو آپ (صلی اللہ علیہ وآلہ وسلم) نے ارشاد فرمایا جو شخص امام کی اقتداء میں نماز ادا کررہاہوں امام کی قرات ہی اس شخص کی قرات شمار ہوتی ہے۔
اس روایت کو امام لیث بن سعد نے امام ابویوسف کے حوالے سے امام ابوحنیفہ سے روایت کیا ہے۔