1247 ۔ حضرت ابودرداء (رض) بیان کرتے ہیں : نبی کریم (صلی اللہ علیہ وآلہ وسلم) سے سوال کیا گیا : کیا ہر نماز میں قرات کی جائے گی ؟ آپ نے ارشاد فرمایا : جی ہاں ! تو انصار میں سے ایک شخص نے عرض کی : تو یہ واجب ہوگئی۔ (راوی کہتے ہیں) نبی کریم (صلی اللہ علیہ وآلہ وسلم) نے مجھے مخاطب کرتے ہوئے فرمایا میں کیونکہ حاضرین میں آپ (صلی اللہ علیہ وآلہ وسلم) کے زیادہ قریب بیٹھا ہوا تھا ، (آپ (صلی اللہ علیہ وآلہ وسلم) نے فرمایا) امام جب لوگوں کو نماز پڑھا رہا ہو تو اس کا قرات کرنا ہی ان لوگوں کے لیے کافی ہوگا۔
راوی نے اسے اسی طرح نقل کیا ہے تاہم زیدنامی راوی کو اس میں وہم ہوا ہے۔ (سابقہ روایت کی درست شکل یہ ہے ) حضرت ابودرداء نے یہ بات ارشاد فرمائی : میں یہ سمجھتاہوں کہ امام کا قرات کر لیناان سب لوگوں کے لیے کافی ہوگا۔