1250 ۔ حضرت ابوہریرہ (رض) بیان کرتے ہیں : نبی کریم (صلی اللہ علیہ وآلہ وسلم) نے ایک نماز پڑھائی جب آپ نے اسے مکمل کرلیا تو دریافت کیا کیا تم میں سے کسی شخص نے میرے ساتھ قرآن کی قرات کی ہے ؟ حاضرین میں سے ایک شخص نے عرض کی : میں نے یارسول اللہ ! نبی کریم (صلی اللہ علیہ وآلہ وسلم) نے فرمایا میں بھی یہ سوچ رہا تھا کہ قرات میں کون میرا مقابلہ کررہا ہے جب میں پست آواز میں قرات کررہاہوں تو تم بھی میرے ساتھ قرات کرلیاکرو اور جب میں بلند آواز میں قرات کروں تو کوئی شخص میرے ساتھ قرات نہ کرے ۔
اس روایت کو نقل کرنے میں زکریا نامی راوی منفرد ہے اور یہ شخص منکرالحدیث ہے اور متروک ہے۔