1293 ۔ ابوقلابہ بیان کرتے ہیں : حضرت ابوسلیمان مالک بن حویرث (رض) ہماری مسجد میں تشریف لائے ، انھوں نے ارشاد فرمایا : اللہ کی قسم ! میں تمہیں نماز پڑھ کردکھاتاہوں ، میرا اس وقت نماز ادا کرنے کا ارادہ نہیں ہے ، لیکن میں یہ چاہتاہوں کہ میں تمہیں یہ کرکے دکھاؤں کہ میں نے نبی کریم (صلی اللہ علیہ وآلہ وسلم) کو کس طرح نماز ادا کرتے ہوئے دیکھا ہے۔
راوی بیان کرتے ہیں جب وہ پہلی رکعت میں دوسراسجدہ کرنے کے بعد اٹھے تو پہلے بیٹھ گئے (اس کے بعد کھڑے ہوئے) ۔ اس کی سند صحیح ہے اور ثابت ہے۔ اسی طرح بعد والی روایت کا بھی یہی حکم ہے۔