1309 ۔ حضرت عبداللہ بن عباس (رض) بیان کرتے ہیں : نبی کریم (صلی اللہ علیہ وآلہ وسلم) ہمیں تشہد کے کلمات اسی طرح تعلیم دیا کرتے تھے جس طرح آپ (صلی اللہ علیہ وآلہ وسلم) ہمیں قرآن کی تعلیم دیتے تھے آپ (صلی اللہ علیہ وآلہ وسلم) یہ پڑھا کرتے تھے :
'' تمام قولی اور جسمانی مبارک پاکیزہ عبادات اللہ کے لیے مخصوص ہیں ، اے نبی ! آپ پر سلام ہو اور اللہ تعالیٰ کی رحمتیں اور اس کی برکتیں نازل ہوں، ہم پر اور اللہ کے نیک بندوں پر بھی سلام ہو، میں اس بات کی گواہی دیتاہوں کہ اللہ کے سوا کوئی معبود نہیں اور میں اس بات کی بھی گواہی دیتاہوں کہ حضرت محمد (صلی اللہ علیہ وآلہ وسلم) اللہ کے رسول ہیں ''۔
اس روایت کی سند : صحیح، ہے۔