1316 ۔ حطان بن عبداللہ رقاشی بیان کرتے ہیں : ان لوگوں نے حضرت ابوموسی اشعری (رض) کی اقتداء میں نماز ادا کی تو حضرت ابوموسی اشعری نے بتایا : ایک مرتبہ نبی کریم (صلی اللہ علیہ وآلہ وسلم) نے ہمیں خطبہ دیتے ہوئے ہمارے سامنے نماز پڑھنے کا طریقہ بیان کیا آپ (صلی اللہ علیہ وآلہ وسلم) نے ہمیں سنت کی تعلیم دی ۔
اس کے بعد راوی نے پوری حدیث ذکر کی ہے ، جس میں یہ الفاظ بھی ہیں : جب کوئی شخص قعدہ میں بیٹھے تو یہ الفاظ پڑھے :
'' تمام قولی اور جسمانی عبادتیں اللہ کے لیے مخصوص ہیں اے نبی ! آپ پر سلام ہو اور اللہ کی رحمتیں اور اس کی برکتیں نازل ہوں، ہم پر اور اللہ کے تمام نیک بندوں پر بھی سلام ہو میں اس بات کی گواہی دیتاہوں کہ اللہ کے علاوہ اور کوئی معبود نہیں ہے وہ ایک ہے اس کا کوئی شریک نہیں ہے اور میں اس بات کی گواہی بھی دیتاہوں کہ حضرت محمد (صلی اللہ علیہ وآلہ وسلم) اس کے بندے اور رسول ہیں۔
قتادہ نامی راوی کے شاگردوں نے اسمیں یہ الفاظ اضافی نقل کیے ہیں : وہ ایک ہے اور اس کا کوئی شریک نہیں۔ جبکہ دیگرراویوں نے قتادہ کے حوالے سے اس کے برعکس نقل کیا ہے اس روایت کی سند متصل ہے اور حسن ہے۔