1335 ۔ حضرت عبداللہ بن مسعود (رض) بیان کرتے ہیں : میں جو کچھ مرضی بھول جاؤں لیکن میں نبی کریم (صلی اللہ علیہ وآلہ وسلم) کا نماز کے دوران سلام کرنے کا طریقہ نہیں بھولوں گا، آپ دائیں طرف اور بائیں طرف سلام پھیرتے ہوئے، السلام علیکم و رحمۃ اللہ کہا کرتے تھے۔
اس کے بعد حضرت عبداللہ (رض) نے یہ بات ارشاد فرمائی : نبی کریم (صلی اللہ علیہ وآلہ وسلم) کے دونوں رخساروں کی سفیدی کا منظر گویا آج بھی میری نگاہ میں ہے۔