1347 ۔ حضرت بکر بن عبداللہ مزنی (رض) بیان کرتے ہیں : نبی کریم (صلی اللہ علیہ وآلہ وسلم) نے نماز کا آغاز کیا، آپ نے تکبیر کہی آپ کے پیچھے موجود لوگوں نے بھی تکبیر کہی پھر نبی کریم (صلی اللہ علیہ وآلہ وسلم) نے نماز کو توڑ دیا اور اپنے اصحاب کو اشارہ کیا کہ تم لوگ جس حالت میں ہو ویسے ہی رہنا، تو وہ لوگ قیام کی حالت میں رہے ، یہاں تک کہ جب نبی کریم (صلی اللہ علیہ وآلہ وسلم) واپس تشریف لائے تو آپ کے سر سے پانی کے قطرے ٹپک رہے تھے۔
عبدالوہاب نامی راوی بیان کرتے ہیں : ہم بھی اس کے مطابق فتوی دیتے ہیں۔