1360 ۔ حضرت ابوہریرہ (رض) نبی کریم (صلی اللہ علیہ وآلہ وسلم) کے بارے میں یہ بات نقل کرتے ہیں : ایک مرتبہ آپ نے نماز ادا کی (نماز سے فارغ ہونے کے بعد) آپ نے ارشاد فرمایا شیطان میرے سامنے آیا تھا تاکہ میری نماز خراب کرے تو اللہ نے مجھے اس پر قابودے دیا، میں نے اسے پکڑ لیا میں نے یہ ارادہ کیا کہ اسے ایک ستون کے ساتھ باندھ دوں تاکہ صبح تم لوگ اسے دیکھ لو (یہاں ایک لفظ کے بارے میں راوی کو شک ہے ) پھر مجھے حضرت سلیمان (علیہ السلام) کی یہ دعا یاد آگئی :
'' اے میرے پروردگار : مجھے ایسی بادشاہی عطا کر جو میرے بعد کسی اور کونہ ملے ''
(نبی کریم (صلی اللہ علیہ وآلہ وسلم) فرماتے ہیں) تو اللہ نے اس شیطان کو رسوا کرکے واپس کردیا۔