حضرت حکم بن عمرو (رض) بیان کرتے ہیں : نبی اکرم (صلی اللہ علیہ وآلہ وسلم) نے اس بات سے منع کیا ہے، مرد، عورت کے وضو سے بچے ہوئے پانی سے وضو کرے ۔ (راوی کو شک ہے، شاید یہ الفاظ ہیں :) عورت کے پینے کے بعد بچے ہوئے پانی سے (وضو کرے) ۔
شعبہ نامی راوی یہ بات بیان کرتے ہیں : سلیمان تیمی نے یہ بات بیان کی ہے : ابوحاجب نے نبی اکرم (صلی اللہ علیہ وآلہ وسلم) کے ایک صحابی کے حوالے سے یہ بات نقل کی ہے : نبی اکرم (صلی اللہ علیہ وآلہ وسلم) نے اس بات سے منع کیا ہے، عورت کے وضو کے بچے ہوئے پانی سے وضو کیا جائے۔
ابوحاجب نامی راوی کا نام سوادہ بن عاصم ہے، ان کے حوالے سے اس روایت میں اختلاف کیا گیا ہے، بعض راویوں نے اسے حکم کے قول کے طور پر ” موقوف “ روایت کے طور پر نقل کیا ہے، اسے نبی اکرم (صلی اللہ علیہ وآلہ وسلم) تک ” مرفوع “ روایت کے طور نقل نہیں کیا۔