1389 ۔ حضرت ابوسعید خدری (رض) بیان کرتے ہیں : نبی کریم (صلی اللہ علیہ وآلہ وسلم) نے یہ بات ارشاد فرمائی ہے جب کوئی شخص نماز ادا کرے اور اسے یہ اندازہ نہ ہو کہ اس نے تین رکعت ادا کی ہیں یا چار ادا کی ہیں تو وہ اسے مکمل کرلے یہاں تک کہ اسے یقین ہوجائے کہ اس نے مکمل نماز ادا کی ہے ، پھر اس کے بعد سلام پھیرنے سے پہلے دو مرتبہ سجدہ سہو کرلے ، اگر اس کی نماز طاق ہوگی تو یہ (سجدے) اسے جفت کردیں گے اور اگر اس کی نماز پہلے ہی جفت تھی تو یہ سجدے شیطان کی رسوائی کا باعث بن جائیں گے۔