1398 ۔ حضرت عبداللہ بن عباس (رض) بیان کرتے ہیں : ایک مرتبہ حضرت عمر (رض) میرے ساتھ نماز میں سہو ہوجانے کے بارے میں بات چیت کررہے تھے اسی دوران حضرت عبدالرحمن بن عوف (رض) ہمارے پاس تشریف لائے وہ ہمارے پاس آکر ٹھہرے انھوں نے بتایا، میں نے نبی کریم (صلی اللہ علیہ وآلہ وسلم) کو یہ ارشاد فرماتے ہوئے سنا ہے ، جس شخص کو اپنی نماز کے بارے میں شک ہوجائے تو وہ اتنی نماز ادا کرے کہ اسکاوہ شک نماز میں اضافے کے بارے میں ہوجائے۔