حضرت سلمان فارسی (رض) کے بارے میں یہ بات منقول ہے : کسی مشرک نے ان کا مذاق اڑاتے ہوئے ان سے یہ کہا : میں نے یہ بات نوٹ کی ہے، آپ کے آقا نے آپ کو ہر چیز کی تعلیم دی ہے یہاں تک کہ رفع حاجت کے طریقے کی بھی تعلیم دی ہے، تو حضرت سلمان (رض) نے جواب دیا : جی ہاں ! اللہ کے رسول نے ہمیں یہ ہدایت کی ہے، ہم استنجاء کرتے ہوئے قبلہ کی طرف رخ یا پیٹھ نہ کریں اور دائیں ہاتھ کے ذریعے استنجاء نہ کریں اور تین پتھروں سے کم کے ذریعہ استنجاء نہ کریں، ان پتھروں میں کوئی ہڈی یا مینگنی نہیں ہونی چاہیے۔