1433 ۔ کریب بیان کرتے ہیں : ایک مرتبہ حضرت عبداللہ بن عباس (رض) نے فرمایا : کیا میں آپ لوگوں کو سفر کے دوران نبی کریم (صلی اللہ علیہ وآلہ وسلم) کے نماز کے طریقے کے بارے میں بتاؤں ؟ ہم نے جواب دیا : جی ہاں ! تو انھوں نے بتایا : جب نبی کریم (صلی اللہ علیہ وآلہ وسلم) اپنی رہائش گاہ میں موجود ہوتے تھے اور اس دوران سورج ڈھل جاتا تھا (یعنی دوپہر کا وقت ہوجاتا تھا) تو نبی کریم (صلی اللہ علیہ وآلہ وسلم) سفر روانہ ہونے سے پہلے ہی ظہر اور عصر کی نماز ایک ساتھ ادا کرلیتے تھے اور جب نبی کریم (صلی اللہ علیہ وآلہ وسلم) کی (گھر میں) موجودگی کے وقت سورج نہیں ڈھلا ہوتا تھا (یعنی دوپہر نہیں ہوئی ہوتی تھی) اور نبی کریم (صلی اللہ علیہ وآلہ وسلم) نے روانہ ہونا ہوتا تھا تو آپ (صلی اللہ علیہ وآلہ وسلم) روانہ ہوجاتے تھے پھر جب عصر کا وقت ہوجاتا تھا تو اس وقت آپ سفر روک کر ظہر اور عصر کی نماز ایک ساتھ ادا کیا کرتے تھے اسی طرح اگر آپ (صلی اللہ علیہ وآلہ وسلم) کی رہائش گاہ میں مغرب کا وقت ہوجاتا تو آپ مغرب اور عشاء کی نماز ایک ساتھ ادا کرلیتے تھے اور اگر مغرب کا وقت نہ ہوا ہوتا تو آپ روانہ ہوجاتے اور عشاء کی نماز کے وقت میں ان دونوں نمازوں کو ایک ساتھ ادا کرلیتے تھے ۔
حضرت عبداللہ بن عباس (رض) کے حوالے سے یہی روایت بعض دیگراسناد کے ہمراہ بھی منقول ہے۔