حضرت عبداللہ بن مسعود (رض) بیان کرتے ہیں : ایک مرتبہ نبی اکرم (صلی اللہ علیہ وآلہ وسلم) قضائے حاجت کے لیے تشریف لے گئے، آپ نے حضرت عبداللہ بن مسعود (رض) کو یہ ہدمایت کی : وہ آپ کے لیے تین پتھر لے کر آئیں۔ حضرت عبداللہ بن مسعود (رض) دو پتھر اور ایک مینگنی لے آئے، نبی اکرم (صلی اللہ علیہ وآلہ وسلم) نے اس مینگنی کو پھینک دیا اور فرمایا : یہ گندگی ہے، تم پتھر لے کر آؤ۔ یہی روایت ایک اور سند کے ہمراہ بھی منقول ہے، جس کے مطابق حضرت عبداللہ بن مسعود (رض) بیان کرتے ہیں : ایک مرتبہ میں نبی اکرم (صلی اللہ علیہ وآلہ وسلم) کے ہمراہ کہیں جارہا تھا۔ راوی بیان کرتے ہیں : نبی اکرم (صلی اللہ علیہ وآلہ وسلم) نے مجھے یہ ہدایت کی : میں آپ کے لیے تین پتھر لے کر آؤں۔ راوی بیان کرتے ہیں : میں آپ کے پاس دو پتھر اور ایک مینگنی لے کر آیا تو نبی اکرم (صلی اللہ علیہ وآلہ وسلم) نے اس مینگنی کو ایک طرف ڈال دیا اور ارشاد فرمایا : یہ گندگی ہے، تم اس کی بجائے دوسری چیز (پتھر ) میرے پاس لے کر آؤ۔
اس روایت میں ابواسحاق نامی راوی پر اختلاف کیا گیا ہے، (امام دار قطنی (رح) کہتے ہیں :) میں نے کسی دوسرے مقام پر اس اختلاف کی وضاحت کردی ہے۔