1445 ۔ حضرت معاذ بن جبل (رض) بیان کرتے ہیں : غزوہ تبوک کے موقع پر (نبی کریم (صلی اللہ علیہ وآلہ وسلم) کا یہ معمول تھا) جب آپ (صلی اللہ علیہ وآلہ وسلم) کے روانہ ہونے سے پہلے سورج ڈھل چکا ہوتا تو آپ ظہر اور عصر کی نماز ایک ساتھ ادا کرلیتے تھے اور اگر آپ (صلی اللہ علیہ وآلہ وسلم) سورج ڈھلنے سے پہلے روانہ ہوجاتے تو آپ ظہر کی نماز کو موخر کردیتے تھے یہاں تک کہ عصر کی نماز کے لیے پڑاؤ کرتے تھے ، اسی طرح مغرب کی نماز ادا کیا کرتے تھے اگر آپ کے روانہ ہونے سے پہلے سورج غروب ہوجاتا تو آپ (صلی اللہ علیہ وآلہ وسلم) مغرب اور عشاء کی نماز ایک ساتھ ادا کرلیتے تھے اور اگر آپ سورج غروب ہونے سے پہلے روانہ ہوتے تو آپ مغرب کی نماز کو موخر کردیتے تھے پھر عشاء کے لیے پڑاؤ کرتے تھے اور ان دونوں نمازوں کو ایک ساتھ ادا کرلیتے تھے۔