1451 ۔ نافع بیان کرتے ہیں : میں حضرت عبداللہ بن عمر (رض) کے ساتھ روانہ ہوا وہ اپنی زمین کی طرف جارہے تھے انھوں نے راستے میں ایک جگہ پڑاؤ کیا ایک شخص ان کے پاس آیا اور اس نے بتایا (ان کی اہلیہ) صفیہ بنت ابوعبید کی حالت نازک ہے اور میرا یہ خیال ہے آپ (ان کے انتقال سے پہلے) ان تک نہیں پہنچ سکیں گے ۔ راوی کہتے ہیں) یہ عصر کے بعد کی بات ہے راوی کہتے ہیں حضرت عبداللہ بن عمر (رض) تیزی سے وہاں سے نکلے ان کے ساتھ قریش کا ایک شخص بھی تھا، ہم لوگ سفر کرتے ہوئے جارہے تھے یہاں تک کہ سورج غروب ہوگیا میرا حضرت عبداللہ بن عمر (رض) کے ساتھ گہراتعلق تھا وہ نماز بڑی باقاعدگی کے ساتھ ادا کرتے تھے میں نے عرض کی : نماز کا وقت ہوگیا ہے انھوں نے میری طرف توجہ نہیں کی اور چلتے رہے جیسے پہلے جارہے تھے یہاں تک کہ جب شفق کا آخری وقت ہوگیا تو انھوں نے پڑاؤ کیا اور مغرب کی نماز ادا کی پھر انھوں نے نماز کے لیے اقامت کہی تو اسی دوران شفق غروب ہوگئی تو انھوں نے ہمیں عشاء کی نماز پڑھائی پھر ہماری طرف متوجہ ہو کر ہمیں یہ بتایا جب نبی کریم (صلی اللہ علیہ وآلہ وسلم) نے کسی معاملے میں جلدی کرنی ہوتی تھی تو آپ اسی طرح کیا کرتے تھے۔