1488 ۔ حضرت ابودرداء (رض) بیان کرتے ہیں : میں نے نبی کریم (صلی اللہ علیہ وآلہ وسلم) سے دریافت کیا، کیا ہر نماز میں قرات کی جائے گی ؟ آپ (صلی اللہ علیہ وآلہ وسلم) نے فرمایا، ہاں انصار سے تعلق رکھنے والے ایک شخص نے کہا، یہ واجب ہوگئی ہے۔
راوی بیان کرتے ہیں : حضرت ابودرداء نے میری طرف متوجہ ہو کر فرمایا : کیونکہ میں حاضرین میں ان کے سب سے زیادہ قریب بیٹھا ہوا تھا انھوں نے فرمایا : اے کثیر : میں یہ سمجھتاہوں کہ جب کوئی شخص لوگوں کو نماز پڑھارہا ہو تو اس کا قرات کرنا ان لوگوں کے لیے کافی ہوتا ہے۔