1492 ۔ حضرت عمران بن حصین (رض) بیان کرتے ہیں : نبی کریم (صلی اللہ علیہ وآلہ وسلم) لوگوں کو نماز پڑھا رہے تھے ، ایک شخص نے آپ کی اقتداء میں قرات کی جب آپ (صلی اللہ علیہ وآلہ وسلم) نماز پڑھ کر فارغ ہوئے تو آپ (صلی اللہ علیہ وآلہ وسلم) نے فرمایا، کون شخص ان سورتوں کے درمیان خلل ڈالنے کی کوشش کررہا تھا، پھر نبی کریم (صلی اللہ علیہ وآلہ وسلم) نے لوگوں کو امام کی اقتداء میں قرات کرنے سے منع کردیا۔
امام دارقطنی بیان کرتے ہیں : روایت کے یہ الفاظ نبی کریم (صلی اللہ علیہ وآلہ وسلم) نے لوگوں کو امام کی اقتداء میں قرات کرنے سے منع کردیایہ راوی کا وہم ہے ، جو حجاج نامی راوی کو لاحق ہوا ہے ، درست روایت وہ ہے جو دیگر راویوں نے قتادہ کے حوالے سے نقل کی ہے۔