1502 ۔ حضرت ابوسعید خدری (رض) بیان کرتے ہیں : ایک دن نبی کریم (صلی اللہ علیہ وآلہ وسلم) ہمیں خطبہ دے رہے تھے آپ (صلی اللہ علیہ وآلہ وسلم) نے سورة ص کی تلاوت کی ، جب آپ سجدے سے متعلق مقام پر پہنچے تو آپ منبر سے نیچے اترے آپ نے سجدہ کیا، آپ کے ساتھ ہم نے بھی سجدہ کیا، پھر آپ نے دوبارہ اس سورت کی تلاوت کی جب آپ سجدے کے مقام پر پہنچے توہم سجدہ کرنے کے لیے تیار تھے، جب آپ نے ہمیں ملاحظہ کیا توفرمایایہ ایک نبی کی توبہ کا واقعہ ہے اور میں یہ دیکھ رہاہوں کہ تم لوگ سجدہ کرنے کے لیے تیارہو پھر نبی کریم (صلی اللہ علیہ وآلہ وسلم) منبر سے نیچے اترے آپ نے سجدہ کیا تو ہم نے بھی سجدہ کیا۔