1519 ۔ جابر بن یزید اپنے والد کا یہ بیان نقل کرتے ہیں : میں نے نبی کریم (صلی اللہ علیہ وآلہ وسلم) کی اقتداء میں نماز ادا کی ، جب آپ نماز سے فارغ ہوئے تو آپ نے لوگوں کے پیچھے دو آدمیوں کو دیکھا۔ راوی بیان کرتے ہیں : نبی کریم (صلی اللہ علیہ وآلہ وسلم) نے ان دونوں کو بلوایا تو وہ دونوں کانپتے ہوئے آئے ، نبی کریم (صلی اللہ علیہ وآلہ وسلم) نے فرمایا تم دونوں نے ہمارے ساتھ نماز ادا کیوں نہیں کی ان دونوں نے عرض کیا، یارسول اللہ ، ہم نے اپنی رہائش گاہ میں نماز ادا کرلی تھی ، نبی کریم (صلی اللہ علیہ وآلہ وسلم) نے ارشاد فرمایا تم ایسانہ کرو جب کسی شخص نے اپنی رہائش گاہ میں نماز ادا کرلی ہو اور پھر وہ امام کے پاس آئے تو اسے امام کے ساتھ بھی نماز ادا کرلینی چاہیے اور جو نماز اس نے اپنی رہائش گاہ میں ادا کی تھی اسے نفل قرار دینا چاہیے۔