1524 ۔ بسر بن محجن اپنے والد کا یہ بیان نقل کرتے ہیں : ایک مرتبہ وہ نبی کریم (صلی اللہ علیہ وآلہ وسلم) کے ساتھ بیٹھے ہوئے تھے ، نبی کریم (صلی اللہ علیہ وآلہ وسلم) اٹھے آپ نے نماز ادا کی جب آپ واپس تشریف لائے تو حضرت محجن اپنی جگہ پر ہی بیٹھے ہوئے تھے نبی کریم (صلی اللہ علیہ وآلہ وسلم) نے دریافت کیا کیا وجہ ہے ، تم نے لوگوں کے ساتھ نماز ادا نہیں کی ؟ کیا تم مسلمان نہیں ہو ؟ انھوں نے عرض کیا جی ہاں ! یارسول اللہ ، لیکن میں اپنے گھر میں نماز ادا کرچکا تھا، نبی کریم (صلی اللہ علیہ وآلہ وسلم) نے ان سے فرمایا جب تم آؤ تو لوگوں کے ساتھ بھی نماز ادا کرلو، خواہ تم پہلے نماز ادا کرچکے ہو۔
حدیث کے یہ الفاظ امام مالک سے منقول روایت کے ہیں ، اور اس کا مفہوم قریب قریب ہے۔