1533 ۔ یسار بیان کرتے ہیں : ایک مرتبہ حضرت عبداللہ بن عمر (رض) نے مجھے دیکھا میں صبح صادق ہوجانے کے بعد نوافل پڑھ رہا تھا تو حضرت عبداللہ بن عمر (رض) نے فرمایا : اے یسار ! ایک مرتبہ نبی کریم (صلی اللہ علیہ وآلہ وسلم) ہمارے پاس تشریف لائے ہم اس وقت یہی نماز (یعنی اس وقت میں نوافل) ادا کررہے تھے تو آپ نے ارشاد فرمایا : تمام لوگ موجودہ غیر موجود افراد تک یہ بات پہنچا دیں صبح صادق ہوجانے کے بعد (نوافل میں) صرف دو رکعت (سنت ) ادا کرو (اس کے علاوہ کوئی نماز ادا نہیں کی جاسکتی) ۔