1732 حضرت انس بن مالک (رض) بیان کرتے ہیں نبی اکرم (صلی اللہ علیہ وآلہ وسلم) کے زمانہ اقدس میں ایک شخص تھا جس کی عبادت و ریاضت ہمیں بہت پسند تھی ‘ ہم نے اس شخص کا تذکرہ نبی اکرم (صلی اللہ علیہ وآلہ وسلم) سے کیا ‘ ہم نے اس کا نام آپ (صلی اللہ علیہ وآلہ وسلم) کے سامنے لیا ‘ لیکن آپ (صلی اللہ علیہ وآلہ وسلم) اسے پہچان نہیں سکے ‘ جب ہم نے اس کا حلیہ بیان کیا ‘ تو آپ (صلی اللہ علیہ وآلہ وسلم) پھر بھی اسے نہیں پہچان سکے ‘ ابھی ہم اس شخص کا تذکرہ ہی کررہے تھے کہ اسی دوران وہ شخص سامنے آگیا ‘ ہم نے عرض کی یہ وہ شخص ہے ‘ نبی اکرم (صلی اللہ علیہ وآلہ وسلم) نے ارشاد فرمایا تم مجھے ایک ایسے شخص کے بارے میں بتا رہے ہو جس کے چہرے پر شیطان کا نشان ہے ‘ پھر وہ شخص آگے آیا اور ان لوگوں کے پاس آکر ٹھہر گیا اس نے سلام نہیں کیا ‘ نبی اکرم (صلی اللہ علیہ وآلہ وسلم) سے اس سے فرمایا میں تمہیں اللہ کے نام کی قسم دے کر یہ کہتا ہوں کہ کیا تم نے ابھی ‘ جب تم اس محفل کے پاس آکر ٹھہرے ہو ‘ یہ سوچا ہے ‘ اس وقت ان حاضرین میں کوئی بھی شخص مجھ سے زیادہ فضیلت والا اور مجھ سے بہتر نہیں ہے ‘ اس شخص نے جواب دیا اللہ جانتا ہے ‘ ایسا ہی ہے ‘ پھر وہ شخص نماز پڑھنے لگا ‘ نبی اکرم (صلی اللہ علیہ وآلہ وسلم) نے دریافت کیا اسے کون قتل کرے گا ؟ حضرت ابوب کرنے عرض کی میں ! حضرت ابوبکر (صلی اللہ علیہ وآلہ وسلم) اس کے پاس گئے تو وہ نماز پڑھ رہا تھا ‘ حضرت ابوبکر (صلی اللہ علیہ وآلہ وسلم) نے یہ سوچا سبحان اللہ ! کیا میں ایسے شخص کو قتل کروں گا جو نماز اداکررہا ہے ‘ حالانکہ نبی اکرم (صلی اللہ علیہ وآلہ وسلم) نے نمازیوں کو قتل کرنے سے منع کیا ہے ‘ پھر حضرت ابوبکر (صلی اللہ علیہ وآلہ وسلم) باہر آگئے (اس کے بعد راوی نے مکمل حدیث ذکر کی ہے) ۔