1782 اسحق بن عبداللہ بیان کرتے ہیں مدینہ منورہ کے گورنرولید بن عتبہ نے انھیں عبداللہ بن عباس (رض) کے پاس بھیجا ‘ اس نے کہا اے میرے بھتیجے ! تم ان سے یہ دریافت کرنا کہ نبی اکرم (صلی اللہ علیہ وآلہ وسلم) نے بارش کی دعا کے سلسلے میں کیا کیا تھا ‘ جب آپ نے لوگوں کے لیے بارش کی دعامانگی تھی تو حضرت عبداللہ بن عباس (رض) نے جواب دیا جی ہاں ! نبی اکرم (صلی اللہ علیہ وآلہ وسلم) خشوع و خضوع کی کیفیت کے ساتھ تشریف لے گئے تھے ‘ آپ نے وہاں اسی طرح کیا تھا جس طرح عیدالفطر اور عیدالاضحی کی نماز میں کرتے ہیں۔
یہاں پر ایک لفظ نقل کرنے میں راوی نے اختلاف کیا ہے۔