1834 عاصم بن ضمرہ بیان کرتے ہیں ‘ ہم نے حضرت علی (رض) سے نبی اکرم (صلی اللہ علیہ وآلہ وسلم) کی نماز کے بارے میں دریافت کیا تو انھوں نے فرمایا اس کی کون طاقت رکھتا ہے۔ ہم نے عرض کی ہم طاقت نہیں رکھتے (لیکن آپ ہمیں اس بارے میں بتائیں) ۔ تو حضرت علی (رض) نے بتایا نبی اکرم (صلی اللہ علیہ وآلہ وسلم) انتظار کرتے یہاں تک کہ سورج طلوع ہونے کے مقام سے اتنادور ہوجاتا کتناعصر کے وقت غروب ہونے کی جگہ سے دورہوتا ہے اس وقت آپ دو رکعت نماز ادا کرتے۔ پھر آپ انتظار کرتے یہاں تک کہ سورج طلوع ہونے کے مقام سے اتنادور ہوجاتاجتنا غروب ہونے کے مقام سے دورہوتا (یعنی زوال کا وقت ہوجاتا) ۔ اس وقت نبی اکرم (صلی اللہ علیہ وآلہ وسلم) زوال کے بعد ظہر کی نماز سے پہلے چار رکعت سنت ادا کرتے ‘ ظہر کے بعد آپ دو رکعت سنت ادا کرتے اور پھر سے پہلے چار رکعت ادا کرتے۔