1882 عمروبن شعیب اپنے والد کا یہ بیان نقل کرتے ہیں حضرت عبداللہ بن عمرو سے جواہر ‘ موتیوں قیمتی پتھروں ‘ چھوٹے موتیوں (یاحبشی موتیوں) کے بارے میں اور زمین میں اگنے والے نباتات جیسے جواہرات موتی ‘ نگینہ ‘ ریشم ‘ زمین میں سے اگنے والی سبزی ‘ ترکاری ککڑی وغیرہ کے بارے میں دریافت کیا گیا تو انھوں نے فرمایا کسی بھی پتھر میں زکوۃ لازم نہیں ہوتی اور سبزیوں میں بھی زکوۃ لازم نہیں ہوتی ‘ نبی اکرم (صلی اللہ علیہ وآلہ وسلم) نے صرف گندم ‘ جو ‘ کھجور اور انگور میں (عشر کی) ادائیگی فرض کی ہے۔