1892 موسیٰ بن طلحہ ‘ معاذبن جبل (رض) کے حوالے سے یہ بات نقل کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے جس زمین کو آسمان ‘ بعل (پانی کے قریب کھجور کا درخت لگاناتا کہ وہ درخت خود ہی زیرزمین پانی سے سیراب ہوجائے) اور بہتے ہوئے پانی (یعنی نہر وغیرہ) کے ذریعے سیراب کیا جائے ‘ اس میں عشر کی ادائیگی لازم قراردی جائے گی اور جس زمین کو پائی چھڑک کر (یعنی مصنوعی طریقے سے) سیراب کیا جائے ‘ اس میں نصف عشر کی ادائیگی لازم ہوگی۔
کھجور ‘ گندم ‘ دانوں میں زکوۃ کی ادائیگی لازم ہوگی ‘ البتہ ککڑی ‘ تربوز ‘ سیب ‘ قصب اور دیگر سبزیوں میں یہ معاف ہے۔ نبی اکرم (صلی اللہ علیہ وآلہ وسلم) نے اسے معاف قراردیا ہے۔