1936 عمروبن شعیب اپنے والد کے حوالے سے ‘ اپنے داداکایہ بیان نقل کرتے ہیں یمن سے تعلق رکھنے والی دوخواتین نبی اکرم (صلی اللہ علیہ وآلہ وسلم) کی خدمت میں حاضر ہوئیں ‘ انھوں نے سونے کنگن پہنے ہوئے تھے ‘ نبی اکرم (صلی اللہ علیہ وآلہ وسلم) نے ان دونوں سے دریافت کیا کیا تم دونوں اس بات کو پسند کروگی کہ اللہ تعالیٰ تمہیں آگ کے کنگن پہنائے ؟ انھوں نے جواب دیا جی نہیں ! نبی اکرم (صلی اللہ علیہ وآلہ وسلم) نے ارشاد فرمایا پھر تم دونوں اس کا حق اداکرو۔
ایک روایت میں یہ الفاظ ہیں ان دونوں نے سونے کے کنگن پہنے ہوئے تھے ‘ اس میں یہ الفاظ بھی ہیں (نبی اکرم (صلی اللہ علیہ وآلہ وسلم) نے ارشاد فرمایا ) پھر تم دونوں اس کا حق اداکروجوتم پر لازم ہے۔ (راوی کہتے ہیں ) اس سے مراد زکوۃ تھی۔ اس روایت کا راوی حجاج ‘ یہ حجاج بن ارطاء ہے اور یہ مستند نہیں ہے۔