1969 عبیداللہ بن عدی بیان کرتے ہیں دوصاحبان نے مجھے یہ بات بتائی ‘ دونوں نبی اکرم (صلی اللہ علیہ وآلہ وسلم) کی خدمت میں حجۃ وداع پر حاضر ہوئے اور نبی اکرم (صلی اللہ علیہ وآلہ وسلم) کے پاس جو زکوۃ کا مال موجود تھا ‘ اس میں سے کچھ آپ (صلی اللہ علیہ وآلہ وسلم) سے مانگا ‘ نبی اکرم (صلی اللہ علیہ وآلہ وسلم) نے نگاہ اٹھاکر ان دونوں کا جائزہ لیا ‘ آپ نے ملاحظہ فرمایا کہ وہ دونوں طاقت ور اور توانا ہیں ‘ تو آپ (صلی اللہ علیہ وآلہ وسلم) نے ارشاد فرمایا اگر تم چاہوتو میں تم دونوں کو اس میں سے دے دیتاہوں ‘ ویسے کسی خوشحال شخص اور کمانے کی صلاحیت رکھنے والے شخص کے لیے اسے دینا جائز نہیں ہے۔