1987 حضرت عبداللہ بن عباس (رض) بیان کرتے ہیں نبی اکرم (صلی اللہ علیہ وآلہ وسلم) نے حضرت عمر (رض) کو زکوۃ وصول کرنے کے لیے بھیجا ‘ وہ حضرت عباس (رض) کے پاس آئے اور ان سے ان کے مال کی زکوۃ کا مطالبہ کیا۔ راوی بیان کرتے ہیں حضرت عباس (رض) نے ان کے ساتھ سختی کا مظاہرہ کیا ‘ حضرت عمر (رض) ‘ نبی اکرم (صلی اللہ علیہ وآلہ وسلم) کی خدمت میں حاضر ہوئے اور آپ (صلی اللہ علیہ وآلہ وسلم) کو اس بارے میں بتایا۔ راوی بیان کرتے ہیں نبی اکرم (صلی اللہ علیہ وآلہ وسلم) نے ارشاد فرمایا حضرت عباس (رض) نے اس سال اور آئندہ سال کی زکوۃ پہلے ہی ہمیں دے دی تھی۔