1995 حارثہ بن مضرب بیان کرتے ہیں مصر سے تعلق رکھنے والے کچھ لوگ حضرت عمربن خطاب (رض) کی خدمت میں حاضر ہوئے ‘ انھوں نے بتایا ہمیں کچھ زمین اور کچھ غلام ملے ہیں ‘ ہم چاہتے ہیں ‘ ان کی زکوۃ ادا کردیں۔ حضرت عمر (رض) نے فرمایا مجھ سے پہلے میرے دو آقاؤں نے جو عمل نہیں کیا ‘ میں بھی وہ اس وقت تک نہیں کروں گا ’ جب تک اس بارے میں مشورہ نہ لوں ‘ پھر حضرت عمر (رض) نے نبی اکرم (صلی اللہ علیہ وآلہ وسلم) کے اصحاب سے اس بارے میں مشورہ لیا ‘ تو ان سب نے اسے ٹھیک قراردیا ‘ حضرت علی (رض) خاموش رہے ‘ حضرت عمر (رض) نے فرمایا اے ابوالحسن ! آپ (صلی اللہ علیہ وآلہ وسلم) کوئی بات کیوں نہیں کررہے ؟ تو حضرت علی (رض) بولے ان حضرات نے آپ کو جو مشورہ دیا ہے یہ ٹھیک ہے۔ لیکن یہ ضروری ہے کہ وہ ایسا ٹیکس نہ ہو جو آپ کے بعد بھی انھیں اداکرناپڑے تو حضرت عمر (رض) نے ایک غلام کی طرف سے ١٠ درہم وصول کیے اور انھیں گندم کے دوجریب ماہانہ خوراک کی فراہمی لازم قراردی۔ گھوڑے کی طرف سے ١٠ درہم وصول کیے۔ اور اسے جو کے دس جریب ماہانہ خوراک کی فراہمی لازم قراردی۔ عام گھوڑے کی طرف سے ٨ درہم وصول کیے اور اسے ٨ جریب جو ماہانہ خوراک کی ادائیگی لازم قراردی۔ خچر کی طرف سے ٥ درہم وصول کیے اور اسے ٥ جریب جو ماہانہ خوراک کے طور پر دینا لازم قراردیا۔
ابواسحاق نامی راوی کہتے ہیں حجاج کے زمانے میں ہم سے یہ وصول کرلی جاتی تھی مگر ہمارے حصے کی ادائیگی نہیں کی جاتی تھی۔ شیخ (امام دار قطنی) فرماتے ہیں ” مقرف “ وہ گھوڑا ہوتا ہے جو تیزرفتار گھوڑے سے کم رفتار ہی چلتا ہے۔