2002 حضرت سمرہ بن جندب (رض) کے بارے میں یہ بات منقول ہے انھوں نے یہ (تحریر کیا)” اللہ تعالیٰ کے نام سے آغاز کرتے ہوئے جو بڑا مہربان اور نہایت رحم کرنے والا ہے ‘ یہ سمرہ بن جندب کی جانب سے ان کے بیٹوں کے لیے ہے ‘ تم سب کو سلام ہو ‘ امابعد ! نبی اکرم (صلی اللہ علیہ وآلہ وسلم) نے ہمیں ہمارے غلاموں کے بارے میں یہ حکم دیا تھا ‘ وہ غلام جو آدمی کے کام کاج کے لیے استعمال ہوتے ہیں ‘ آدمی نے انھیں فروخت نہیں کرنا ہوتا ‘ نبی اکرم (صلی اللہ علیہ وآلہ وسلم) نے ہمیں حکم دیا تھا ‘ ہم ان میں سے کوئی زکوۃ ادا نہیں کریں گے اور آپ (صلی اللہ علیہ وآلہ وسلم) نے ہمیں یہ حکم دیا تھا کہ جس غلام کو فروخت کرنے کے لیے تیارکیاجاتا ہے ‘ اس کی زکوۃ ہم اداکریں گے۔