2025 حضرت جابر (رض) بیان کرتے ہیں جب اللہ تعالیٰ نے خیبر کا علاقہ اپنے رسول کو مال فئے کے طور پر عطاء کیا ‘ تو ان کے رسول نے ان (یہودیوں) کو وہیں رہنے دیا اور یہ معاہدہ کیا کہ وہاں کی پیداوار ان یہودیوں اور نبی اکرم (صلی اللہ علیہ وآلہ وسلم) کے درمیان (برابر کی بنیاد پر تقسیم ہوگی) پھر نبی اکرم (صلی اللہ علیہ وآلہ وسلم) نے حضرت عبداللہ بن رواحہ (رض) کو بھیجا ‘ انھوں نے وہاں پیداوار کا اندازہ لگایا اور پھر فرمایا اے یہودیو ! تم میرے نزدیک اللہ تعالیٰ کی مخلوق میں سے ناپسندیدہ ترین مخلوق ہو ‘ تم نے اللہ تعالیٰ کے انبیاء کو نقل کیا ‘ تم نے اللہ تعالیٰ کی طرف جھوٹی بات منسوب کی ‘ لیکن تمہارے بارے میں میری ناپسند ید گی مجھے اس بات پر آمادہ نہیں کرے گی کہ میں تمہارے ساتھ کوئی زیادتی کروں ‘ میں نے یہ اندازہ لگایا ہے ‘ یہ کھجور کی پیداواربیس ہزار وسق ہے ‘ اگر تم چاہوتو اس حساب سے تمہیں مل جائے گا اور اگر تم نہیں مانتے تو میں اتنا وصول کروں گا ‘ تو انھوں نے کہا اسی (انصاف اور عدل پروری) کی وجہ سے آسمان اور زمین قائم ہیں ‘ ہم اس حساب سے وصولی کرلیتے ہیں ‘ تو حضرت عبداللہ بن (رض) نے فرمایا تواتنی پیداوار مجھے نکال کردے دو (یعنی ادائیگی کردو) ۔