2106 حسن بصری بیان کرتے ہیں حضرت عبداللہ بن عباس (رض) نے رمضان کے آخر میں لوگوں کو خطبہ دیتے ہوئے فرمایا اے بصرہ کے رہنے والو ! تم اپنے روزوں کی زکوۃ اداکرو (یعنی صدقہ فطراداکرو) ۔ راوی بیان کرتے ہیں لوگوں نے ایک دوسرے کی طرف دیکھنا شروع کردیاتوحضرت عبداللہ (رض) نے فرمایا یہاں مدینہ منورہ سے تعلق رکھنے والے جتنے بھی لوگ ہیں ‘ وہ کھڑے ہوجائیں اور اپنے ساتھیوں کو اس کی تعلیم دیں ‘ چونکہ یہ لوگ یہ بات نہیں جانتے کہ نبی اکرم (صلی اللہ علیہ وآلہ وسلم) نے صدقہ فطر میں نصف صاع گندم یا ایک صاع جو یا ایک صاع کھجور کی ادائیگی ہر آزاد اور غلام ‘ مذکر اور مونث پر لازم قراردی ہے۔
حسن بصری بیان کرتے ہیں (رح) حضرت علی (رض) فرماتے ہیں جب اللہ تعالیٰ تمہیں خوشحالی عطاء کردے تو تم گندم کا ایک صاع اداکرو۔