2116 مجالد بیان کرتے ہیں میں جزء بن معاویہ کا سیکرٹری تھا جو حضرت احنف بن قیس کے چچا ہیں ‘ ہمارے پاس حضرت عمر (رض) کا خط آیا ‘ یہ ان کے انتقال سے ایک سال پہلے کی بات ہے (اس میں یہ تحریر تھا ) تم ہر جادو گرکوقتل کر دو اور مجوسیوں میں سے جس شخص نے اپنی سگی رشتے دار عورت کے ساتھ شادی کی ہو ‘ ان کے درمیان ہوگی کرو ادو اور ا نہیں زمزمہ سے منع کردو۔
(راوی کہتے ہیں ) ہم نے تین جادو گروں کو قتل کروادیا ‘ ہم نے ہر آدمی کی ایسی بیوی سے علیحد گی کروادی جس کے ساتھ نکاح کو اللہ تعالیٰ نے حرام قراردیا ہے ‘ پھر انھوں نے بہت ساکھانا تیارکروایا اور مجوسیوں کی دعوت کی ‘ انھوں نے اپنی تلوار اپنے زانوں کے اوپر رکھی ‘ ان لوگوں نے ایک خچر کے وزن جتنا یادوخچر کے وزن جتنی چاندی وہاں رکھ دیا اور انھوں نے زمزمہ کے بغیر کھانا کھایا۔
راوی بیان کرتے ہیں حضرت عمر (رض) نے مجوسیوں سے اس وقت تک جزیہ وصول نہیں کیا ‘ جب تک حضرت عبدالرحمن بن عوف (رض) نے یہ گواہی نہیں دی کہ نبی اکرم (صلی اللہ علیہ وآلہ وسلم) نے ہجر سے تعلق رکھنے والے مجوسیوں سے جزیہ وصول کیا تھا۔